Deialdi honen helburua Gernika-Lumoko Aita Villasante Udal Euskaltegiko euskara irakasleen lan-poltsa sortzea da. Lan-poltsa honen bidez, alde batetik, ikasleen eskariari erantzuteko euskarazko ikastaroak emango dituzten irakasleak kontratatuko dira; bestetik, gaur eguneko irakasle titularren ordezko gisa jardungo dute, lanerako aldibaterako ezgaituak egoteagatik bajan daudenean edo beste arrazoiren batengatik lanera etortzen ez direnean.

Hautaketa-prozesua merituen lehiaketa bidezkoa izango da.

Lan-poltsa hau indarrean egongo da bestelako deialdi, oposizio edo lehiaketa-oposizioren bat egin arte.